س. اسفند ۶ام, ۱۳۹۸

Kurdistan Independence Movement

بزووتنەوەی سەربەخۆییخوازانی کوردستان

چۆنیەتی داواکاریی بوون بە ئەندامی بزووتنەوەی سەربەخۆییخوازانی کوردستان، ڕاگەیەندراوی دەزگای ئەمنی بزووتنەوەی سەربەخۆییخوازانی کوردستان

دوا بە دوای ڕاگەیاندنی بزووتنەوەی سەربەخۆییخوازانی کوردستان، کۆمەڵێکی بەرچاو لە کچان و کوڕانی دەروەست و نیشتمانپەروەری باوەڕمەند بە سەربەخۆیی کوردستانی ڕۆژهەڵات، لە ڕێگەی جۆربەجۆرەوە پێوەندییان بە ئەندامانی ڕێبەریی بزووتنەوەوە کردووە و دوایان کردووە کە ڕێگە و شێوازی وەرگرتن و بوون بە ئەندامیان بۆ شی بکرێتەوە و لەو بارەوە ڕوونکردنەوەیان بۆ بدرێ.
هەر بۆیە لە ڕێگەی ئەو ئاگادارییەوە هەموو لایەک ئاگادار دەکەینەوە لە شێوەی وەرگرتن و بوون بە ئەندام لە بزووتنەوەی سەربەخۆییخوازانی کوردستان

گەلی هێژای ڕۆژهەڵات ، گەنجان و لاوانی نیشتمان
دۆستان و بەڕێزان و چالاکوانانی کوردستان
هەر وەک ئاگادارن بە سەرهەڵدانی بزوتنەوەی سەربەخۆییخوازانی کوردستان و راگەیاندنی و پێشکەش کردنی مەرام و ئامانجی . بە خۆشحاڵییەوە لە لایەک دوژمنانی نیشتمان زراویان تۆقی و سەرجەم میدیاکانیان ڕووی رەشتیان لە هەمبەر خواستی گەلی کورد دەرخست و لە لایەکی دیکەوە پێشوازییەکی گەرمی ڕۆژهەڵاتیان و کوردپەروەرانی بە تایبەتی لە ناوخۆی وڵات بە دوودا هات و ئاگادارن لە ئاستی دیپلۆماسیەوە پەیامی کوردستانیان بە شەفافی بە گوێی جیهاندا درا .
لەم ماوەیەدا زور کەسایەتی ، پێشمەرگەی دێرین ، ماموستایانی ئاینی ، شارەزایان و بلیمەتانی وڵاتمان لە هەمو چین و توێژەکان و کەمە نەتەوەییەکان بە شێوازی جۆر بە جۆر پێوەندیان گرتوە و هاوڕا لەگەل پیرۆزبایی و پشتیوانی خوازیاری ئەوە بوون : بە ئەندام بوونیان خۆ بە خاوەنی بزووتنەوە بزانن و درێژە بە چالاکیان بدەن بۆ ڕاماڵینی داگیرکەری ئێرانی لە سەرتا سەری کوردستان و چیدی بە پەرتەوازی درێژە بە چالاکیەکانیان نەدەن .
لەم پێوەندییەدا ئەم راگەیاندنەمان بە ئەرک و پێویست زانی کە : بزووتنەوە سەرەرای سپاس و پێ زانین و فەخر بە تاک بە تاکی ئێوە بەرێزان ، بە تایبەتی گەنجانی نیشتمانپەوەر و تێکۆشەر . پێتان رادەگەیەنین : بۆ ئەوەی لە ئێستە و لە داهاتوو دا نەیاران نەتوانن دزە بکەنە ناو ڕیزەکانمان . شەڕەفی پێدانی ئەندامەتی بە رێڕەوێکی تۆکمە و سەردەمیانە تێدەپەرێ و راستەوخۆ لە ژێر چاوەدێری دەزگای ئەمنی بزووتنەوە دایە .

ئەو ڕێڕەوە ئادرەس ئیملێکی گشتی کە لە ژێرەوە نوسراوە لە خزمەتی هاووڵاتیاندایە و بەو ناو نیشانەوە دەتوانن پێوەندی بگرن . هەول دەدرێ سەرباری داواکاری یەکجار زۆری بەڕێزان ، شەو و ڕۆژ لە خزمەتتانا بین تا لە کەمترین ماوە وڵامدەر بین . پاشان بە تێپەڕاندنی چەند بڕگەیەکی پێوەندی ، کۆدی تایبەتی بۆ هەر یەک دەسنیشان و لە جۆر و شێوازی نوێی پێوەندی گرتنی کە لەوپەڕی نهێنی دا دەبێ ئاگادار دەکرێتەوە و پاشان شەڕەفی ئەندامەتی پێ دەدرێ .
کە واتە داواکارین بۆ دەسپێکی پێوەندی و تێپەڕاندنی ڕەوتی خۆی تا بە کۆتایی بەم ئیمل ئادرەسەوە پێوەندی بگرن و ماباقی ئادرەسی سایت و مالپەری بزوتنەوە ئەو ئەرکەیان لە ئەستودا نییە .
بەرێزان و خۆشەویستان بۆ هاتنە ناو ڕیزەکانی بوزوتنەوە ، پێش لە هەموو شتێک پێویستە بە وردی سەرنجی ئەم خاڵانەی ژێرەوە بدەن :

١ – داواکار بە تایبەتی لە ناوخۆی وڵات پێویستە و ئەرکی سەر شانیەتی ڕەچاوی ئەوپەڕی نهێنی کاری بکا و هاوکات لەو پەڕی متمانە و راستگۆیی درێژە بە ڕەوتی پێوەندییەکانی بدات .

٢ – داواکار پێویستە بە وردی پێڕەو و پرۆگرامی بزووتنەوە بخوێنێتەوە . یا گەر خوێندەواری نییە یارمەتی لە کەسی جێگە متمانەی خۆی وەربگرێ تا بە ئیمان و بڕوای تەواو بە سەربەخۆیی کوردستان دەست بداتە خەبات و چالاکی خۆی و دڵنیا بێ لەوەی بۆ چ ئامانجێ ژیانی تەرخان دەکا . ئەوەمان لە بیر نەچێت : هزری دەرونی تاک وەک ئایین هەرچی بێت ، رێگری لە هەول و چالاکی نەتەوەیی و نیشتمانپەروەری ناکا و بزووتنەوە بە ڕێزەوە و بە یەکسانی لێی دەنواڕێ .

٣ – داواکار حەتمەن دەبێ تەمەنی لە سەرووی ١٧ ساڵان بێت و ئەو ئازیزانەی ژێر ئەو تەمەنە بن وەک لایەنگر وەر دەگیرێن و دەچنە خانەی پەروەردەیی نەتەوەیی و نیشتمانی تا گەیشتن بە تەمەنی دیاری ، گەر بە سەرکەوتویی بواری دیاریکراوی تێپەراندبێ راستەوخۆ شەڕەفی ئەندامەتی پێشکەش و لە بواری تایبەت بە خۆی درێژە بە چالاکییەکانی دەدات . هەلبەت وەک لە پێرەودا ئاماژەی پێ کراوە بزووتنەوە بە دارشتنی پلان و بەرنامە و پڕۆژەی تایبەت بایەخ و سەرنجی هەرە زوری یاسایی بە گەنجانی وڵات وەک کۆڵەکەی داهاتووی گەل و نیشتمان دەدا و ….

٤ – داواکار کاتێ بە دڵ و ئیمان و بڕوای کوردپەروەرانە روو لە بزووتنەوە دەکا . پێویستە : پشوو درێژ بێت و خۆ بە خاوەنی بزووتنەوە بزانێت و ئەو ڕێڕەوە ئەمنیانەی کە رەنگە زەمەن بەر بێت ، دڵنیا بێت بە پلەی یەکەم بەرپرسیارەتی بزووتنەوەیە لە پاراستنی گیان و ماڵ و داهاتووی ئەو بەڕێزە و لە پلەی دووهەم رێگریکردنە لە هەر جۆرە دزە کردنێکی نەیاران و سیخوڕان بۆ ناو ریزەکانمان ….

٥ – ئەو بەڕێز و خۆشەویستانەی لە ناوخۆ کە بە داخەوە بێ بەرین لە خوێندن و نووسین بە زمانی دایک ، هەر وەک ئاماژەی پێ کرا : یا کەسێکی جێگەی متمانەی خۆی یارمەتی بدات لە رێگەی ئیمەیلی دیاریکراو پێوەندی بگرێ و پاشان ڕێکاری ئەمنی باشی دەخەینە بەر دەستی بۆ درێژەی پێوەندییەکانی . یا گەر کەسی متمانە پێکراوی لە هەوێلدا نییە ، دەتوانێ بۆ جاری یەکەمی راستەخۆ تەلەفون بکا تا پەیامەکەی بگەیەنێت و لە پاشان بزووتنەوە بۆ خۆی و لە کاتی گونجاو بە هانای داواکارییەکەوە دەچێت .

٦ – هەر وەک لە پێڕەو وپرۆگرام ئاماژەی پێ کراوە کە : بزووتنەوە سەرچاوەگرتوە لە سەرجەم چین و توێژی کۆمەڵگە و کەمە نەتەوەیی و ئائینیەکانی کوردستان ، هەر بەڕێزێ لە شیعە ، سوننی ، مەسیحی ، کاکەیی و یارسان ، ئیزیدی ،زەردەشتی و ئەرمەنی و ….. یا کەمە نەتەوەیی ئازەری ، فارس و …. کە نیشتەجێی کوردستانن ، یا خود وەک ئازیزانی کوردی خوراسان و …. بە داخەوە لە خوێندن و نوسینی کوردی بێ بەرین و لە هەمانکاتدا بروا و ئیمانیان بە سەربەخۆیی کوردستان هەیە . بە هیچ جیاوازییەک بزووتنەوە باوەشی ئاوەلەیە بۆ خزمەت بە نیشتمان چون یەک و هەر وەها ئەو بەرێزانە : پێوەندی گرتنیان بۆ هاتنە ناو ریزەکانی بزوتنەوە دەتوانن بە فارسی داواکاریەکەیان پێشکەش بکەن و ولامی خۆیان بە هەمان زمان وەرگرنەوە …..
لە کۆتایی دا دووبارە سپاسی یەک بە یەکی ئێوە بەرێزان و خۆشەویستان دەکەین و تەمەننا دەکەین بە گەرمو گوڕیەکی گشتگیرانەتان و پێشنیار و خۆ بە خاوەنداریەتی ، پێکەوە بتوانین هەنگاو بۆ بە دامەزراوەیی و رێکخستنی بەەرەیەکی شکۆمەندی کوردستانی هەلگرین و ڕۆژهەڵات لە ژێر چەپۆکەیی و داگیرکراوی رزگار و لە دوژمنان و جەهل و نادانی نەیاران پاکی کەینەوە .

سەرکەوتو بێ خەباتی نەتەوەیی و نیشتمانپەروەری
شەکاوە بێت ئاڵای پیرۆزی کوردستان
بزوتنەوەی سەربەخۆییخوازانی کوردستان
دەزگای ئەمنی بزووتنەوەی سەربەخۆییخوازانی کوردستان

ئادرەس ئیمەیلی پێوەندی:

kurdnationbsk@gmail.com