چاوپێکەوتنی دولایەنەی ڕێبەرانی میحوەری دموکراتیکی خەڵکی ئەحواز و بزووتنەوەی سەربەخۆیی خوازانی کوردستان
هاوئاهەنگ بوون و پەرەدان بە پێوەندی تەشکیلاتی شۆڕشەکان لە نێوان دوو نەتەوەی عەرەبی ئەحوازی و نەتەوەی کوردستانی لە ژێر داگیرکاری ئێراندا لە تەواوی ڕەهەندەکان، کۆبوونەوەی هاوبەش لە نێوان دوو ڕێکخراوی سەربەخۆیی خواز لە 27ژانویەی 2021 بەڕێوەچوو.
سەرەتا ئەم کۆبوونەوە بە سرودی نەتەوەیی کوردستان و سرودی نەتەوەیی ئەحواز بە قسەکانی جەماڵی پورکەریم ڕێبەری بزووتنەوەی سەربەخۆیی خوازانی کوردستان و سەلاحی ئەبوشەریف دەبیرکولی میحوەری دموکراتیکی خەڵکی ئەحواز دەستیپێکرد.
لەم کۆبوونەوەدا دوو لایەن جەختیان خستە سەر پێوەندیە ئستراتژیەکان لە نێوان دوو نەتەوەی داگیرکراو لە ئێرانی ساختە و هاوئاهەنگ کردن وپەرەپێدان لە شۆڕش دژ بە دوژمنی داگیرکەر بۆ گەشتن بە ئامانجەکان کە سەربەخۆییە.
لەم دانیشتنەدا ڕێبەرانی دوو ڕێکخراوە بە گرنگی دا بە هاوئاهەنگ بوون لە موبارزە لە گشت بوارەکان و موبارزەی نێوخۆیی و نێو کۆمەڵگای نێونەتەوەی و ئاماژەیان بەوەدا کە ئەم کارە دەبێتە هۆی سەرکەوتویی نەتەوەکانمان.
هەروەها لەم چاوپێکەوتنەدا لایەنەکان ئاماژەیان بە ناسین دوژمن و هەڵسوکەوتی دوژمن دا کە دەیەوێت لە نێوان نەتەوە داگیرکراوەکاندا جیاوازی و دوژمنایەتی دروست بکات و نەهێڵێت کە لایەنەکان بۆ ڕووخاندنی دوژمن پێکەوە هاوئاهەنگ بن بۆیە ئێمە دەبێت هەوڵەکانی ڕژیم پووچەڵ بکەینەوە و پێکەوە هاوئاهەنگ بین لە شۆڕش دژ بە داگیرکەرانی کوردستان و ئەحواز و هەروەها بە مەبەستی ڕوخاندنی دوژمن دەبێت لەگەڵ نەتەوەکانی دیکەی داگیرکراو لە ئێرانی دەستکرد هاوئاهەنگ بین.
دو لایەنی بەشدار لەم کۆبوونەوەدا هەروەها دەوڵەتی ئێرانی داگیرکەریان وەکو پێشێلکاری مافی مرۆڤ و شکاندنی کۆنوانسیۆنە نێونەتەوەییەکان و جاڕنامەی مافی مرۆڤ ناساند و هەروەها بە هۆکاری ئاژاوە و توندوتیژی لە ناوچەکەدا. ئەم حکومەتە داگیرکەرە بە پەرەدان بە ڕێ و کولتووری ترۆریستی لە گشت جیهان بوەتە هۆکاری لەناوچونی ئاسایشی جیهانی و بۆیە دەبێت گوشارەکان بۆ سەر ئەم ڕژیمە زۆرتر بکرێت بەو مەبەستەی کە پاشەکشەی پێبکرێت کە ئەگەر دەستی بە سیلاحی ناوەکی بگات ئەو کاتەیە کە جیهان بە گشتی دەکەوێتە مەترسی و گرنگە پێشی پێبگیرێت. بە تەکید ئەو کاتە ترۆریستی ناوەکی زۆر مەترسیدار دەبێت بۆ جیهان.
کۆمیته هاوئاهەنگی ئاگادار کردنەوە
بزووتنەوەی سەربەخۆیی خوازانی کوردستان
میحوەری دموکراتیکی خەڵکی ئەحواز
www.kurdnation.com
www.alahwaz.com
27/1/2021
