پارتی وڵاتپارێزانی کوردستان لە ڕاگەیەندراوێکدا بڵاوی کردەوە کە پێوەست بە ڕیزەکانی هاوپەیمانی سەربەخۆییخوازانی کوردستان بووە.
هاوپەیمانی سەربەخۆییخوازانی کوردستان وێڕای بەخێرهێنانی هاوڕێیان و هاوسەنگەرانمان لە پارتی وڵاتپارێزانی کوردستان، جارێکی دیکە پێداگری دەکاتەوە کە دەرگای هاوپەیمانی بۆ سەرجەم لایەنە سەربەخۆییخوازەکان کراوەیە و هاوکات داوا لە حیزب و ڕێکخراو و لایەنە سیاسیەکان دەکەن تاکوو بە مەبەستی یەکڕیزی و یەکگرتوویی ناو ماڵی کورد بە گشتی و بەهێزبوون و گەشە پێدانی بیر و هزری سەربەخۆییخوازای و ڕەوتی سەربەخۆییخوازان بە تایبەتی، پێوەست بە هاوپەیمانی سەربەخۆییخوازانی کوردستان بن.
دەقی ڕاگەیەندراوەکەی پارتی وڵاتپارێزانی کوردستان بەم چەشنەیە:
بە ناوی کوردستانی گەورە
بۆ بیر و ڕای گشتی, کۆمەڵانی خەڵکی تێکۆشەر و ماف پەروەری کوردستان
بەڕێز: هێز و لایەنە سیاسییەکانی کوردستان
بە ڕەچاو کردنی بارودۆخی هەستیار و پێویستی مێژوویی بزاڤی ڕزگاریخوازانەی نەتەوەی کورد لەمەڕ یەکڕیزی و کۆدەنگیی سیاسی، پارتی وڵاتپارێزانی کوردستان بە تێگەییشتن لە ئەرک و رەساڵەتی مێژوویی سەرشانی خۆی و هەوڵ دان بۆ یەکڕیزی ناو ماڵی کورد و کۆدەنگی سیاسی لە ڕابردوو و لە ئێستاشدا بە هەست کردن بە بەرپرسیارەتی لەهەمبەر کوردستانی داگیرکراو و نەتەوەکەمان لە کۆبوونەوەی ڕۆژی ٢٨ی بانەمەڕی ٢٧٢٢ی کوردی(( 18/5/2022ی زایینی )) شووڕای ڕێبەری ((PKP)) بە کۆی دەنگ بڕیاری پەیوەست بوون بە هاوپەیمانی سەربەخۆییخوازانی کوردستان بە مەبەستی بەهێز کردن و کۆدەنگی ئەو بزاڤە و وەدی هێنانی ئاسۆیەکی ڕوونی بۆ نەتەوەکەمان پەسەند کرد.
پارتی وڵاتپارێزانی کوردستان، رایدەگەێنێت کە پەیوەست بوون بە هاوپەیمانی سەربەخۆییخوزانی کوردستان و خەبات کردن لەو چوارچێوەیەدا هێمای ئەو ئەرک و رەساڵەتە مێژوویییەیە کە لە سەرشانی هەموو هێزێکی تێکۆشەر و خەمخۆری نەتەوەکەمانە لە ڕۆژهەڵاتی کوردستان، و بەهەمان شێوە خوشک و برایانی چوار لایەنی پێکهێنەری هاوپەیمانی کوردستان بە خۆشییەوە بە تێگەییشتن لە هەستیاریی بارودۆخی هەنووکەیی کوردستان و گرینگی ئەم قۆناغەی خەبات و تێکۆشانی بێ وچانمان و پێویستی کۆدەنگی سیاسی و یەکریزی سەربەخۆییخوازان، لە چوارچێوەی ئەو هاوپەیمانییەدا خاڵی وەرچەرخانی مێژوویی لە هەژمار دێت. هیوادارین کە هەموولایەکمان بەوپەڕی دڵسۆزی و هزری نەتەوەیی بتوانیین لە دەوری بەرەیەکی سەربەخۆییخوازی کە ئێستا لە چوار چێوەی هاوپەیمانییەکدا دەبینیرێ کۆببینەوە .
سەرکەوێ خەباتی شێلگیرانەمان لە پێناو سەربەخۆیی کورد وکوردستان
شووڕای ڕێبەری
پارتی وڵاتپارێزانی کوردستان
21/5/2022
Can you be more specific about the content of your article? After reading it, I still have some doubts. Hope you can help me.
Thank you for your sharing. I am worried that I lack creative ideas. It is your article that makes me full of hope. Thank you. But, I have a question, can you help me? https://accounts.binance.bh/register/person?ref=L4EUT9FG