ڕۆژی١٢ی گەلاوێژی ساڵی ٢٧١٤ی کوردی ، ٣ی ئاگۆستی ساڵی ٢٠١٤ی زایینی گرووپی تیرۆریستیی داعش بە مەبەستی لەناوبردن و پاکتاوی ئایینیی کوردانی ئێزدی، هێرشێکی دڕندانەیان کردە سەر شاری شەنگاڵ و ناوچەکانی دەورووبەری و زیاتر لە پێنج هەزار کوردیان شەهید کرد و نزیکەی حەوت هەزار ژن و کچی کوردی ئێزدیان بە مەبەستی بە کۆیلایەتپێکردنی جینسی بە دیل گرت و هاوکات زیاتر لە ٣٥٠ هەزار کەس ئاوارە بوون و ماڵ و زێدیان بە جێهێشت.
ئەمڕۆ هەشت ساڵ بە سەر كارەساتی شەنگال و ژینۆسایدی کوردانی ئێزدی دا تێپەڕ دەبێ و بە داخەوە تاکوو ئێستاش ئەو کەس و لایەنانەی لە ڕوودانی ئەم کارەساتە دا بەرپرس و تاوانباربوون، نەخراونە بەر لێپێچینەوە و دادگایی کردن.
کەم نین ئەوانەی وا ئێستاش هەروا بێسەروشوێنن و کۆمەڵگای جیهانیش لە ئاست ئەو جینایەتە گەورەیەی دەرحەق بە گەلی کورد کرا، دیسان وەک هەمیشە چاوی نووقاندوە و بێدەنگی هەڵبژاردوە.
پێویستە بە کردەوە کار بۆ ئەوە بکرێ کە ئەو کۆمەڵکوژی و جینایەتە دژە مرۆییە لە ئاستی جیهانی و نێونەتەوەییدا وەک ژینۆساید بناسرێ و هاوکات حکوومەتی هەرێمی باشووری کوردستانیش بە بێ لەبەرچاو گرتنی بیری تەسکی حیزبایەتی و بە وەبەرچاوگرتنی بەرژەوەندیی باڵای نەتەوەیی و نیشتمانی،قەرەبووی قوربانیان و بنەماڵەکانیان بکاتەوە و لە پێناو پاراستنی گیان و سەر و ماڵی کوردانی ئێزدی دا هەوڵی کارا و جیددی بدا.
بە باوەڕی ئێمە وەک هاوپەیمانی سەربەخۆییخوازانی کوردستان،فەرمانێک کە لە لایەن داعشی سونیەوە بەدژی کوردانی ئێزدی درا درێژەی هەر هەمان فەرمانە کە داعشی ئێرانی و تورکی و سووری و عێڕاقی لە ژێر ناوەکانی ئەنفال و کیمیاباران و فتوای جیهادی خومەینی بە دژی گەلی کورد و هێرشی ئەردۆغان بۆ سەر عفرین و ڕۆژئاوا، لە ژێر ناوی سوورەتی فەتح دا بۆ سەر گەلی کورد ئەنجامیان دا.
هاوپەیمانی سەربەخۆییخوازانی کوردستان لەو ڕۆژە دا وێڕای ئیدانەکردنی ئەم کردەوە هۆڤانەیە سەری ڕیز و نەوازش لە بەرانبەر سەرجەم گیانبەختکردووانی ئەم کارەساتە دا دادەنەوێنێ و هیوای ساڕێژ بوونەوە بۆ زام و برینی قوربانیان دەخوازێ.
هاوپەیمانی سەربەخۆییخوازانی کوردستان
١٢ی گەلاوێژی ٢٧٢٢ی کوردی
٣ی ئاگۆستی ٢٠٢٢ی زایینی
Thank you for your sharing. I am worried that I lack creative ideas. It is your article that makes me full of hope. Thank you. But, I have a question, can you help me?
Thank you for your sharing. I am worried that I lack creative ideas. It is your article that makes me full of hope. Thank you. But, I have a question, can you help me?
Can you be more specific about the content of your article? After reading it, I still have some doubts. Hope you can help me.
Your point of view caught my eye and was very interesting. Thanks. I have a question for you.