ڕێکخستنەکانی گوێگرتن
داگرتنی ئەم بەشە دەنگییەکوردناسیۆن: بزووتنەوەی سەربەخۆییخوازانی کوردستان لە پێوەندی بە لەسێدراەدرانی ڕەزا ڕەسایی،هاونیشتمانیی کوردی پێڕەوی ئایینی یارسان کەجلە لایەن داگیرکەری ئیرانەوە لە سێدارە درا، پەیامێکی بڵاو کردەوە کە دەقی پەیامەکە بەم چەشنەیە:
بەداخەوە ڕایدەگەیەنین ؛ ڕەزا ڕەسایی چالاکی سیاسیی کوردی پێڕەوی ئایینی یارسان، کە لە شۆڕشی ژینا دا دەستبەسەر کرابوو لە لایەن ڕژیمی داگیرکەری ئیرانەوە بە تاوانی کوردبوون لە بەندیخانەی ناوەندیی شاری کرماشان لە سێدراە درا.
بزووتنەوەی سەربەخۆییخوازانی کوردستان ویڕای داکۆکی لە خوێنی بە ناحەق ڕژاوی ڕۆڵەکانی نیشتمان و بیرکردنەوە لە تۆڵە سەندنەوە، هاوکات پرسە و سەرەخۆشی لە بنەماڵە و کەس و کاری شەهید ڕەزا ڕەسایی بە تایبەتی و هەموو خەڵکی کوردستان بە گشتی دەکا و لەو باوەڕە دایە تاکوو خاکی کوردستان لە ژێر دەستی داگیرکەر دا بمێنێ، چارەنووسی گەنج و لاوانی کورد کوشتن، زیندان و پەت و سێدارە و ئێعدامە.
بزووتنەوەی سەربەخۆییخوازانی کوردستان
١٦ی گەلاوێژی ٢٧٢٤ی کوردی
٦ی ئاگۆستی ٢٠٢٤ی زایینی
