جۆیس بلاو لە دایکبووی قاهیرەی میسر و بە ڕەگەز جوولەکە، یەکێک لەو کەسایەتیە بیانیانە بوو کە خزمەتی گەورەی بە زمانی کوردی کردووە و بە ڕەسمی وانەی کوردی لە خزمەت کامڕان بەدرخان فێربووە و دواتر وەک مامۆستای زمانی کوردی لە زانکۆکانی پاریس وانەی کوردی بە خوێندکاران وتۆتەوە.
زیاتر لە دەیان کتێب و بەرهەمی لە پێوەندی بە زمان و وێژە و کلتووری کوردی چاپ و بڵاو بۆتەوە و تا دوا ساتەکانی ژیانی لە فەڕانسەوە خزمەتی بە کورد و کوردستان کرد.
ئەو کۆستە گەورەیە خەسارێکی گەورەیە لە فەرهەنگ و وێژە و زمانی کوردی و بەم بۆنە تاڵەوە لە لایەن خۆم و بزووتنەوەی سەربەخۆییخوازانی کوردستانەوە سەرەخۆشی لە بنەماڵە و کەس و کاری خاتوو جۆیس دەکەم و خۆم بە شەریک و بەشداری خەمیان دەزانم.
ڕووحی شاد و یاد و ناوی بەرز و بەڕێز بێ.
ئاشتیاکۆ پوورکەریم، سەرۆکی بزووتنەوەی سەربەخۆییخوازانی کوردستان
٤ی خەزەڵوەری ٢٧٢٤ی کوردی
٢٥ ی ئۆکتۆبری ٢٠٢٤ی زایینی
