بە بۆنەی ١٦ بەفرانبار لە لایەن خۆمەوە پیرۆزبایی ساڵڕۆژی دامەزراندنی بزوتنەوەی سەربەخۆیخوازانی کوردستان لە ئەندامان و لایەنگران و دەستەی ڕێبەری ئەو بزووتنەوە، وە هەروەها لە کاک ئاشتیاکۆ پورکەریم وەک سەرۆکی ئەو بزووتنەوە دەکەم.
بە دڵنیایەوە هەموو زەحمەتەکان و هەوڵ و تێکۆشانی ئێوە بۆ کورد و کوردستان لە مێژوو ئەنوسرێتەوە، هەروەها ئەو نابەرابەریە و بێڕێزیە کە بەرانبەر بزووتنەوە کراوەو دەکرێت لە بیری کوردستانیان ئەمێنێ.
سەبرو خۆشەویستی و کوردپەروەری بوونی ئەندامان و لایەنگرانی بزووتنەوە بووە هۆکاری ئەوەی کە هەڵوێستێکی نابەجێ و ناکوردستانی لە بەرانبەر جاهیلانی نەیار شەیدا نەکرێت کە ببێتە هۆی دژایەتیکردنی نێوان کورد و کورد.
دیارە ڕێگای سەربەخۆیی ڕێگایەکی پڕ زەحمەتە، لە هەمان کاتدا کە بزووتنەوەکە خەریکی خەبات و تێکۆشانە دژ بەداگیرکەرانی کوردستان، دەبێ لە گەڵ نەیار شەیداکانی (فدراڵ خوازان) کە هاوخوێنمانیشن سەبرمان هەبێت و هەروەها چاوێکیشمان بە ڕێوی سفەتان بێت کە نەمانخەنە داو برایەتی داگیرکەران و دیمۆکراسیخوازی بۆ دوژمنانمان.
ئەوانەی هەوڵ ئەدەن وا نیشان بدەن کە ئێمە تەنیاین و کەس لە گەڵمان نیە، ئەوانەی پێیان وایە لە ئەو ڕۆژە بزووتنەوەی سەربەخۆیخوازان دروست کراوە هیچ دەسکەوتێکی نەبووە دیارە چاویان لە بەرانبەر ئەو هەموو چالاکیە نێودەوڵەتیە ، ئەو هەموو تێکۆشانە بۆ بەردەنگ کردنەوەی ڕۆژئاوا و وڵاتە زلهێزەکان بۆ پرسی کورد، وە هەروەها ئەو هەموو تێکۆشانە بۆ هاوپەیمانکردنی نەتەوە بندەستەکانی ئێرانی جعلی، وە … بەساوە، بەڵام هەر ئەو کەسانە ئامادە نین تەنانەت یەک پرسیار لە سەرکردەکانیان بکەن وە یا تەنانەت یەک ئاماری فەرمی لە دەسکەوتەکانیان بگرن تا بزانن بەو هەموو ساڵە خەباتی کوردیان بە هەڵەو، سیاسەتی کوشەندە بە ڕێوە بردنە، تابزانن چەندە تەنها و بێکەسن لە لای هاوڕێ داگیرکەرەکانیان.
من دڵنیام ڕۆژێک هەموویان ڕوو ئەکەن بە وتاری سەربەخۆیخوازی وە سەروەریخوازی کوردستان.
بژی کوردستان، بژی کورد،
بژی بزووتنەوەی سەربەخۆیخوازانی کوردستان
وەحید مورادی کوردستانی, ئەندامی دەستەی کارگێڕیی بزووتنەوەی سەربەخۆییخوازانی کوردستان
