هاونیشتمانان، نەتەوەی سەربەرزی کوردستان
خوشک و برایانی یارسانی سڵاوتان لێبێ و ئەم کاتەتان باش
به بۆنهی جهژنی پیرۆزی خاوهنکار،جەژنی ئایینی و کولتووریی خوشک و برا یارسانییەکانمان، پیرۆزباییهکی گهرمتان پێشکهش دهکهین و ئاواته خوازین ئهم جهژنه به شادی و خۆشی بۆ خوشک و برایانی یارسانمان و ههموو رۆڵهکانی کورد و کوردستان تێپەڕ بێ.
کوردستان وڵاتی فرە رەنگی و فرەچەشنیی کۆمەڵایەتی، ئاینیی، مەزهەبی، زاراوەییە. رۆڵهکانی نهتهوهی کورد به هەموو ئەو جیاوازی و رەنگانەوە، رۆڵهی یهک نهتهوه و یهک نیشتمان و خاوەن یەک پرسن .
بنج و بناوان و ڕیشەی ئایینی پیرۆزی یارسان، لە کوردستان و لە ناخی کۆمەڵگای کوردەواریەوە سەریهەڵداوە.
خاکی کوردستان و تێکۆشان بۆ ئازادی و سەربەستی و بنیاتنانی دەوڵەتی سەربەخۆی کوردستان و بە گشتی کورد بوون و کوردستانی بوون، یەکێکە لە فەلسەفە وجوودیەکانی ئەم ئایینە.
پێویستە، ههرکام له جهژن و بۆنه تایبهتییهکانی هەر بەشێک لە بەشەکانی ئەم نەتەوە و نیشتمانە ، بە بۆنە و جەژنی هەمووان دابندرێ و کورد بوون و کوردستانی بوون لە دەوری یەکتر کۆمان کاتەوە و بۆنە و ڕێوڕەسمە تایبەتییەکانیش ببنە هەوێنی پێکەوە ژیانی ئاشتیانە و هەر هەموویان بخرێنە خزمەت بە بەرژەوەندیی نەتەوەیی و نیشتمانیی نەتەوەی کورد و کوردستانەوە.
باوەڕدارانی ئەم ئایینە لە دۆخێک دا بۆنە و ڕێوڕەسمەکانیان بەڕێوە دەبەن کە خاکی ڕۆژهەڵاتی کوردستان لە لایەن داگیرکەری ئێرانیەوە ، داگیر کراوە و پێڕەوانی ئەم ئایینە تەنانەت بۆ بەڕێوەبردنی ڕێوڕەسم و بۆنەکانیان بەردەوام لە ژێڕ هەڕەشە و گوشاری دەزگا ئەمنیەتی و نیزامیەکانی ڕژیم دان.
جارێکی دیکە بە بۆنەی جەژنی خاوەنکارەوە پیرۆزبایی لە نەتەوەی کورد بە گشتی و سەرجەم پێڕەوان و یارانی ئایینی پیرۆزی یاری بە تایبەتی دەکەم.
