سمینارێک لە ژێرناوی دیاسپۆرای کورد و جوو لە پارلمانی بریتانیا بەڕێوە چوو.

ڕۆژی دووشەممە ١٩ی ژانویەی ٢٠٢٦ی زایینی سمینارێک لە ژێرناوی دیاسپۆرای کورد و جوو لە پارلمانی بریتانیا بەڕێوە چوو

لەو سمینارە دا کە لە لایەن تۆڕی جوو و کورد ڕێکخرابوو، بەشێک لە کوردانی هەر چوار پارچەی کوردستان و کوردە جووەکانی دیاسپۆرا و چەندین ئەندام پارلمانی بریتانیا و کۆمەڵێک کەسایەتی سیاسی کورد و بیانی تێیدا بەشدار بوون.

سەرۆکی بزووتنەوەی سەربەخۆییخوازانی کوردستان، بەڕێز ئاشتیاکۆ پوورکەریم بە هاوڕێیەتی گۆران دەشتی ئەندامی دەستەی کارگێریی بزووتنەوە بەشدار بوون .

لە پانێلی یەکەمی سمینارەکە دا سەرۆکی بزووتنەوە  وتارێکی لە پێوەندی بە پرسی کورد و جوو پێشکەش کرد.

لە بەشێک لە وتارەکەدا هاتبوو:

دۆخی ڕۆژهەڵات و ڕۆژاوای کوردستان لە ئێستا دا پێویستی بە ئاوڕدانەوە و هاوکاریی جیددی نە نەیا ئیسرائیل بەڵکوو هەموو جیهانی پێشکەوتووی خوازیاری ئاشتی و دێموکراسی هەیە.

لەو سمینارە دا کە لە لایەن لۆک ئاکێهێرس پەرلەمانتاری بەریتانیایی بەڕێوە دەبردرا هەر یەک لە لیات کۆردۆن ، سەرۆکی توڕی کوردی یەهوودی. JKN

پرۆفیسۆر ئۆفرا بێنجیۆ / مامۆستای زانکۆ و هەروەها  شیکاری سیاسی لە سەنتەری موشی دایانی / ئیسرائیل.

عارف باوەجانی/ سەرۆکی پارتی سەربەستیی کوردستان

ئادریان کۆهێن، جێگری سەرۆکی باڵای BOD ی جولەکەکانی بریتانیا

دوکتور وەیسی داغ، مامۆستای زانکۆ لە تەلئەبیب

دوکتور شیلان فواد حوسێن مامۆستای زانکۆ لە بریتانیا وتاریان پێشکەش کرد.

هەروەها کاکی ڕۆستەم ئەڵماسی ڕێبەری یەکێتیی شۆڕشگێڕانی کوردستان لەم سمینارە دا بەشدار بوو.

هەروەها دەیان بەرگ لە کتێبی کورد و ئیسرائیل: سیاسەت، شوناس و سەقامگیری لە ڕۆژهەڵاتی ناڤین، لە نووسینی ئاشتیاکۆ پوورکەریم لە هۆڵی پارلمان لە ناو ئەندام پارلمان و بەشداربواندا دابەش کرا و بە نرخەوە لەم کتێبەیان روانی.