شەڕ بۆ ئاشتی و سەقامگیری: پەیامی ئاشتیاکۆ پوورکەریم، سەرۆکی بزووتنەوەی سەربەخۆییخوازانی کوردستان

خەڵکی تێکۆشەری کوردستان

هەر وەک چاوەڕوان دەکرا هێرشی نیزامیی ئەمریکا و ئیسرائیل بۆ سەر ئێران دەستیپکردەوە و هەر ئەو جۆرەی ، دۆناڵد ترامپ سەرۆک کۆماری ئەمریکا و  بنیامین نتانیاهۆ سەرۆک وەزیرانی ئیسرائیل بەڵێنیان  دابوو یارمەتیەکانیان بۆ خەڵک تا رووخاندنی رژیمی ئێران دەستی پێکرد .

سەرەڕۆییەکانی رژیمی ئێران، سەرەنجام داوێنی ئەو ڕژیمەی گرتەوە و ناوچەکەی پەلکێشی شەرێک کرد کە ئاگری ئەم شەڕە دەبێتە کۆتاییهێنان بەو ڕژیمە .

شەڕی ئەم جارە ، شەڕێکە بۆ ئاشتی، شەڕێک بۆ جێگیرکردنی دێموکراسی ، ئازادی و سەقامگیری.
شەڕ لە گەڵ ئێران بە ئامانجی کۆتاییهێنان بەو ڕژیمە دەتوانێ زامنی ئاشتی و سوڵح و ئەمنیەت و ئاسایش بێ بۆ هەموو ناوچەکە.

بۆیە بە هەموو توانامانەوە دەستخۆشی و پێشوازی لەم شەڕە دەکەین و سپاسی ئەمریکا و ئیسرائیل و هاوپەیمانەکانیان دەکەین.

هەلومەرجەکە بۆ نەتەوەی کورد لە هەر چوار پارچەی کوردستان و بە تایبەتی لە ڕۆژهەڵات هەستیار و چارەنووسسازە .

ئێمە لەو باوەڕەداین کە ڕۆژی کورد، خۆری ئازادی و سەربەخۆیی کورد لە ڕۆژهەڵاتەوە هەڵدێ و ئێستا دەرفەتێکی مێژوویی بۆ نەتەوەکەمان ڕەخساوە، چارەنووسی گشتمان پێکەوە گرێدراوە و  یەکڕیزی و یەکگرتوویی ناو ماڵی کورد لە ئێستا دا لە هەموو کاتێک پێویستترە.

ئەمەی ئێستا ڕوودەدا، دەرفەتێکی گونجاوە بۆ ئەوەی بتوانین هەلەکە لە قازانج و بەرژەوەندیی نەتەوەکەمان بقۆزینەوە .

کاتی ئەوە هاتووە کە کورد و بەلووچ، عەڕەب و تورکمان و کاسپیەن و تورکی ئازەری ، پێکەوە دەست بدەینە دەستی یەک و داگیرکەری ئێرانی لە خاک و ولاتمان ڕاماڵین و کۆتایی بە داگیرکەری ئێرانی بێنین، سەربەخۆیی لە هەموو کاتێک نزیکترە.