بەڕێزان: کاک غەفوور مەخمووری سكرتێرى گشتی، ئەندامانی مهكتهبى سياسيى، سهركردايهتى و ئهندامان و لایەنگرانی يهكێتى نهتهوهيى ديموكراتى كوردستان
وێڕای سڵاو و ڕێز، بە بۆنەی سی و یەکەمین ساڵڕۆژی دامەزرانی YNDK گەرمترین پیرۆزبایی ئێمەتان لە پارتی سەربەخۆیی کوردستانەوە پێشکەش بێ.
دامەزراندنی YNDK لە یەکێک لە قۆناغە هەستیارەکانی مێژووی هاوچەرخی کوردستاندا تەنیا پێکهێنانی ڕێکخراوێکی سیاسی نەبوو؛ بەڵکوو گوزارشت و ڕەنگدانەوەیەک بوو لە پێویستییەکی مێژوویی بۆ دووبارە پێناسەکردنەوەی هەڵوێستی نەتەوەیی و بەهێزکردنی ئیرادەی نەتەوەیی و بەرگریکردن لە بەرژەوەندییە باڵاکانی خەڵکی کوردستان لە بەرامبەر قەیران و دووبەرەکی و پەراوێزخستن.
لەم ڕوانگەیەوە بەردەوامیی چالاکییەکانی YNDK لە ماوەی سێ دەیەی ڕابردوودا بەشێکە لە ئەزموونی سیاسیی هاوچەرخی کوردستان و نیشانەی سەقامگیریی بیری نەتەوەییە.
ئەمڕۆ لە بارودۆخێکدا کە کوردستان و ناوچەکە لە شەڕ و ئاڵۆزی دایە و باشووری کوردستانیش ڕووبەڕووی زنجیرەیەک هەڕەشەی داگیرکەران و هاوکات فشاری سیاسی و ئابووریی دەسەڵاتدارانی بەغدا بۆتەوە، بە لە بەر چاو گرتنی بەرژەوەندەییە باڵا نەتەوەییەکانی نەتەوەکەمان، زیاتر لە هەموو کاتێک پێویستیمان بە ڕێکسختنی زیاتری عەقڵانییەتی سیاسییی کورد و پتەوکردنی یەکگرتوویی و یەكڕیزیی نەتەوەیی هەیە و لە وەها بارودۆخێکدا پاراستن و پتەوکردنی پەیوەندی بەرپرسیارانەی نێوان هێزە سیاسییەکانی کوردستان بژاردەیەکی تاکتیکی نییە، بەڵکوو پێویستییەکی نەتەوەیی و ستراتیژییە.
پارتی سەربەخۆیی کوردستان پێی وایە قۆناغی ئێستا قۆناغی دیالۆگی نەتەوەیی و ڕێکخستنەوەی مەیدانی سیاسیی کوردستان و بەرگریکردن لە دامەزراوە نەتەوەییە ڕەواکان و پاراستنی دەستکەوتەکانی خەڵکی کوردستان و هەوڵدان بۆ جێگیرکردنی پێگەی پرسی کورد وەک پرسێکی دادپەروەر و ڕەوا لەسەر ئاستی ناوچەیی و نێودەوڵەتیە، ئەم ئامانجەش تەنیا بە بەشداریی بەرپرسیارانەی هێزە سیاسییەکان و بەرەوپێشبردنی کولتووری هاوکاری و هاودەنگی بەدی دێت.
ویڕای پیرۆزبایی جەژنی نەتەوەیی نەورۆز، جارێکی تر پیرۆزبایی ساڵیادی دامەزراندنی یەکیەتیی نیشتمانیی دیموکراتی کوردستان (YNDK، تان لێدەکەین و ڕۆڵی مێژوویی و سیاسیی YNDK، بەرز دەنرخێنین و جەخت لەوە دەکەینەوە کە داهاتووی کوردستان پەیوەستە بە بەهێزکردنی گوتاری نەتەوەیی و سەربەخۆییخوازی و هاوکات بەدامەزراوەییکردنی ژیانی دیموکراسی و ڕێزگرتن لە فرەیی سیاسی و بەردەوام بەرگریکردن لە مافە مێژووییەکانی نەتەوەی کورد.
هیوادارین ئەم بۆنەیە ببێتە دەرفەتێک بۆ قوڵکردنەوەی بەرپرسیارێتی نەتەوەیی، یەکڕیزی، یەکگرتوویی و پێوەندیی نێوان هێزە سیاسییەکانی کوردستان و هەروەها پتەوکردنی ئاسۆی هاوبەشی خەبات بۆ گەیشتن بە سەروەریی سیاسی و بنیاتنانی دەوڵەتی سەربەخۆ و دێموکراتیکی کوردستان .
پارتی سەربەخۆیی کوردستان
٢ی خاکەلێوەی ٢٧٢٦ی کوردی
٢٢ی مارسی ٢٠٢٦ی زایینی
