ڕۆژی شەممە ڕێکەوتی ٤ی ئاپریلی ٢٠٢٦، لەسەر بانگهێشتی فەرمیی پارتی ژیانی ئازادی کوردستان (پژاک)، سکرتێری گشتیی پارتی سەربەخۆیی کوردستان، ئاشتیاکۆ پوورکەریم لە یادی ٢٢ هەمین ساڵوەگەڕی دامەزرانی پژاک کە لە شاری لیدزی بریتانیا بەڕێوەچوو ،بەشداری کرد.
لە، ساڵیادە دا بەشێکی بەرچاوی هێز و لایەنە سیاسیەکانی هەر چوار پارچەی کوردستان بەشدار بوون.
سکرتێری گشتیی پارتی سەربەخۆیی کوردستان لە لایەن سیامەند موعینی و بەشێک لە بەرپرسانی پژاکەوە پێشوازی لێکرا.
بەم بۆنەوە سکرتێری گشتیی پارتی پەیامێکی پیرۆزبایی پێشکەش کرد کە تێیدا ئاماژە بە پتەوکردنی پەیوەندییی زیاتری نێوان حیزب و لایەنە کوردستانیەکان کرد و هەروەها جەختی کردەوە لەسەر گرنگیی یەکڕیزی و دیالۆگی نێوان ئەم لایەنانە.
لە بەشێکی پەیامەکەی پارتی سەربەخۆیی کوردستان دا ڕەوشی ناوچەکە و کوردستان بە گشتی هاتە بەر باس و تاوتوێکردن.
