کۆبوونەوەی سکرتێری گشتیی پارتی سەربەخۆیی کوردستان لە گەڵ نوێنەرانی کوردی قەزاقستان

کوردناسیۆن: ڕۆژی چوارشەممە ٩ی بانەمەڕ” ٢٩ی ئاپریلی ٢٠٢٦” لە پەرواێزی کۆنفرانسی کوردناسی کە لە لایەن لقی زانستی ئابووری و سیاسیی زانکۆی شڤیلد لە  لەندەن “LSE”و بەشی تایبەت بە ڕۆژهەڵاتی ناڤین ڕیکخرابوو، هەیئەتی بەشداربووی پارتی سەربەخۆیی کوردستان پێکهاتوو لە ئاشتیاکۆ پوورکەریم، سکرتێری گشتی و گۆران دەشتی ئەندامی دەفتەری سیاسی لە گەڵ نوێنەرانی کوردی قەزاقستان پێکهاتوو لە رەفیق میرزایۆف یاکوبۆویچ  ئەندامی مەجلیسی گەلی قەزاقستان و مراد شامیلۆڤ چالاکی فەرهەنگیی کوردانی قەزاقستان کۆبوونەوەیەکیان ئەنجامدا .

لەو کۆبوونەوەیە دا ئاشتیاکۆ پوورکەریم سکرتێری گشتیی پارتی سەربەخۆیی لە پێوەندی بە ڕەوشی ناوچەکە و هەموو بەشەکانی کوردستان لێکدانەوەیەکی پێشکەش کرد و ئاماژەی بە پێویستیی هاودەنگی و هەماهەنگیی نەتەوەی کورد و هێزە سیاسیە کوردستانیەکان کرد و گوتی: قۆناغی ئێستا ، قۆناغی گۆڕانکاریی چارەنووسسازە و پێویستە وەک نەتەوەی کورد هاودەنگ و هاوئاهەنگ بین.
لە درێژە دا هەر یەکە لە رەفیق میرزایۆف یاکوبۆویچ  ئەندامی مەجلیسی گەلی قەزاقستان و مراد شامیلۆڤ چالاکی فەرهەنگیی کوردانی قەزاقستان ، باسیان لە ڕەوشی کوردانی قەزاقستان و ئەرمەنستان کرد و گوتیان هیوادارین لە داهاتوو دا بتوانین لە قەزاقستان لە خزمەت ڕێبەریی پارتی سەربەخۆیی کوردستان دابین و پەرە بە پێوەندیی نێوانمان بدەین.