پاریس: دیداری سکرتێری گشتیی پارتی سەربەخۆیی کوردستان لە گەڵ چەندین حیزب و کەسایەتیی سیاسیی عەڕەب

کوردناسیۆن: کۆبوونەوەیەک لە لایەن ڕێکخراوی “کل العرب” لە پاریس ڕێکخرا کە تێیدا کۆمەڵێک کەسایەتی و سیاسەتوانی عەڕەب و بیانی بەشدار بوون.

لە پەراوێزی کۆبوونەوەکە دا سکرتێری گشتیی پارتی سەربەخۆیی کوردستان، بەڕێز ئاشتیاکۆ پوورکەریم، جەندین دیداری گرینگی سیاسی ئەنجامدا و تێیدا جەختی لە سەر پێویستیی دروستکردنی پلاتفۆرمێکی هاوبەش بۆ هەموو نەتەوە خاک داگیرکراوەکانی ناو چوارچێوەی جوغڕافیای دەستکردی ئێرانی کرد و وتی: هەلومەرجەکە هەستیار و چارەنووسسازە و پێویستە هەموو ئەو نەتەوانەی باوەڕیان بە ئازادی و سەربەخۆیی هەیە و خاک و وڵاتەکەیان لە لایەن ئێرانیەکانەوە داگیرکراوە پێکەوە هەماهەنگ بن.

لەو کۆبوونەوەیە دا سکرتێری گشتی چەند دانیشتنێکی لە گەڵ سەرۆکی حیزبی ” حرکە النضال الاحوازی”  بەڕێز سەعید حەمیدان و شاندی یاوەری و هەروەها سەرۆکی ڕێکخراوی کل العرب و چەندین کەسیاتیی سیاسیی عەڕەب ئەنجامدا.